પૂરી ડાયરી

આ ધક્કા મૂકી ને ગણકાર્યા વિના હું પહોંચી ગયો પ્રભુ ના દૃશ્ય પ્રદેશ માં 

આમ તો મારે કહેવું જોઈએ પ્રભુ મારી દૃષ્ટિ સીમા માં પ્રગટ થયા કેમ જે એમની કૃપા વર્તુળ માં તો હું પહેલી થી જ અસ્તિત્વ માં છું ,

બહાર ના આ કોલાહલ વચ્ચે અંદર કોઈક અદભૂત નીરવતા હતા માત્ર સંભળાય રહ્યાં હતાં પ્રભુ નો જયજયકાર ,

પણ મને તો પ્રભુ જેમ મંદ સ્મિત રેલાવતા હોય એવું ભાસી રહ્યું હતું .

હું મૌન હતો કદાચ અંદર પણ તરંગો શમી ગયા હતા , હું અહી થી નીકળવા નહોતો માંગતો પણ તો કદાચ પ્રભુ ના બીજા ભક્તો નો અવરોધ નાની જઈશ ,

હું બહાર તો હતો પણ મારું ચિત્ત ત્યાં જ અટકી ગયું હતું મારામાં હતા અભિભૂત મનોભાવ

ક્ષિતિજે નજર ફેરવું પણ એનો છેડો પામવો ક્યાં આંખો માટે શક્ય છે ,

જળ અને જમીન ની આ સંક્રાંતિ અવસ્થા જેમાં 

મોજા ઓ ની કિનારે સૌથી પેલા પહોંચી જવાની હરિફાઈ 

જેમાં મારા પગને કોણ પેલો થપ્પો કરી દે એવી વૃત્તિ

વાદળો પણ પોતાને ઠાલવી દેવા ઝનુને ચડ્યા હતા .

સાથે આવતા પવન ના સપાટા આ પૂર્વીય તટ ના 

 આ સર્વે નું સંયોજન થી ઉદભવતી

 મારી મનોસ્થિતિ…